IRISARRIKO ATERALDIA

Maiatzaren 21ean, Hazparne sareko hirugarren zikloko haurrek eguna elgarrekin pasatu dute.

Lehenik, Baigorrin, JOKOBERROA etxea bisitatu dute, Aparain Errekako auzogunean. Etxe hori hamalaugarren mendean jadanik hor zen. Etxearen zati desberdinak ezagutu dituzte: lorioa, ezkaratzea, barrukia, sabaia eta ganera, sukaldea (supazter eta xurrutarekin) eta sularda.

Ondotik, Irisarrirat joan dira OSPITALEA etxea bisitatzeko. Hor ere lehengo zatiak atxeman dituzte berriz.

Plazan bazkaldu eta, pilotan aritu dira eta egitaraua segitu dute joko pista batekin Irisarriko idazkunak aurkitzeko. Idazkun gehienek etxe baten jabeen xehetasunak ematen dituzte: eraikuntzaren data, senar-emazten izenak, harginaren izena, sinboloak…

Ondotik, etxeen toponimiari buruz lan egin dute. Lehen, norbaitek etxe bat eraikitzen zuelarik, izen bat emaiteko, begiratzen zuen zer bazen etxearen ondoan. Joko bat egin dute: bakoitzak bazuen etxe baten izena eta maketa batean, etxea gune egokian kokatu behar zuen.

Azken aktibitatean, lehengo famili baten haurrideen bizia antzeztu dute: premua, serora, apeza, neskatoa, artzaina…

Egun zinez betea eta goxoa pasatu dute!!!

Tous les élèves de cycle 3 du réseau Hazparne ont passé une journée en Basse Navarre, entre Baigorry et Irissarry. Ils ont travaillé sur le thème de la maison. Ils en ont distingué les différentes parties , ils ont travaillé sur les linteaux (à travers un jeu de recherche d’inscriptions lapidaires dans le bourg), et ils ont découvert la toponymie (à travers un jeu autour des noms des maisons). Enfin, pour terminer, ils ont évoqué la composition des familles d’autrefois (héritier etc…) à partir de saynètes. Ce fut une journée bien complète et bien agréable !!!

Les commentaires sont fermés.